യുവാക്കൾക്ക് സമ്മർദ്ദരഹിത അന്തരീക്ഷം സൃഷ്ടിക്കുന്നതിനായി പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ ആരംഭിച്ച 'എക്സാം വാരിയേഴ്സ്' എന്ന വലിയ പ്രസ്ഥാനത്തിന്‍റെ ഭാഗമാണ് പരീക്ഷാ പേ ചർച്ച.
ഓരോ കുട്ടിയുടെയും തനതായ വ്യക്തിത്വം ആഘോഷിക്കപ്പെടുകയും പ്രോത്സാഹിപ്പിക്കുകയും സ്വയം പ്രകടിപ്പിക്കാൻ അനുവദിക്കുകയും ചെയ്യുന്ന അന്തരീക്ഷം വളർത്തിയെടുക്കാൻ വിദ്യാർത്ഥികളെയും രക്ഷിതാക്കളെയും അധ്യാപകരെയും സമൂഹത്തെയും ഒരുമിച്ച് കൊണ്ടുവരാനുള്ള പ്രധാനമന്ത്രി നരേന്ദ്ര മോദിയുടെ ശ്രമങ്ങളാൽ നയിക്കപ്പെടുന്ന ഒരു പ്രസ്ഥാനമാണിത്. ഈ പ്രസ്ഥാനത്തെ പ്രചോദിപ്പിക്കുന്നത് പ്രധാനമന്ത്രി നരേന്ദ്ര മോദിയുടെ ഏറ്റവും കൂടുതൽ വിറ്റഴിക്കപ്പെടുന്ന 'എക്‌സാം വാരിയേഴ്‌സ്' എന്ന പുസ്തകമാണ്. വിദ്യാഭ്യാസത്തോടുള്ള നവോന്മേഷദായകമായ സമീപനമാണ് ഈ പുസ്തകത്തിലൂടെ പ്രധാനമന്ത്രി വിശദീകരിച്ചത്. വിദ്യാർത്ഥികളുടെ അറിവിനും സമഗ്രമായ വികസനതിനും പ്രാഥമിക പ്രാധാന്യം നൽകുന്നു. അനാവശ്യമായ സമ്മർദം മൂലം പരീക്ഷയെ ഒരു ജീവന്മരണ സാഹചര്യമാക്കി മാറ്റുന്നതിനു പകരം ശരിയായ കാഴ്ചപ്പാടിൽ പരീക്ഷകൾ നടത്തണമെന്ന് പ്രധാനമന്ത്രി എല്ലാവരോടും അഭ്യർത്ഥിക്കുന്നു.
പഠനം ആസ്വാദ്യകരവും തൃപ്തികരവും അനന്തവുമായ ഒരു യാത്രയായിരിക്കണം - പ്രധാനമന്ത്രി നരേന്ദ്ര മോദിയുടെ പുസ്തകത്തിലെ സന്ദേശമാണിത്.
NaMo ആപ്പിലെ എക്സാം വാരിയേഴ്‌സ് മൊഡ്യൂൾ എക്സാം വാരിയേഴ്‌സ് പ്രസ്ഥാനത്തിലേക്ക് ഒരു ഇൻ്ററാക്ടീവ് ടെക് എലമെന്‍റ് ചേർക്കുന്നു.'എക്‌സാം വാരിയേഴ്‌സ്' എന്ന പുസ്തകത്തിൽ പ്രധാനമന്ത്രി എഴുതിയ ഓരോ മന്ത്രത്തിന്‍റെയും കാതലായ സന്ദേശങ്ങൾ ഇത് ആശയവിനിമയം നടത്തുന്നു.
ഈ മൊഡ്യൂൾ യുവാക്കൾക്ക് മാത്രമല്ല,മാതാപിതാക്കൾക്കും അധ്യാപകർക്കും വേണ്ടിയുള്ളതാണ്. എക്സാം വാരിയേഴ്സിൽ പ്രധാനമന്ത്രി എഴുതിയ മന്ത്രങ്ങളും ആശയങ്ങളും എല്ലാവർക്കും ഉൾക്കൊള്ളാൻ കഴിയും, കാരണം ഓരോ മന്ത്രവും ചിത്രപരമായി പ്രതിനിധീകരിക്കുന്നു. പ്രായോഗിക മാർഗങ്ങളിലൂടെ ആശയങ്ങൾ ഉൾക്കൊള്ളാൻ സഹായിക്കുന്ന ചിന്തോദ്ദീപകവും എന്നാൽ ആസ്വാദ്യകരവുമായ പ്രവർത്തനങ്ങളും മൊഡ്യൂളിനുണ്ട്.