ഇന്ത്യയെ ലോകത്തിന്റെ ഭക്ഷ്യ ബാസ്കറ്റാക്കി മാറ്റുന്നതിൽ ഭക്ഷ്യ സംസ്കരണ മേഖലയുടെ സാധ്യതകൾ തിരിച്ചറിഞ്ഞ്, ഇന്ത്യാ ഗവൺമെന്റിന്റെ ഭക്ഷ്യ സംസ്കരണ വ്യവസായ മന്ത്രാലയം ഭക്ഷ്യ സംസ്കരണ ഉപ വിഭാഗങ്ങളിൽ നിക്ഷേപം വഴിതിരിച്ചുവിടുന്നതിനുള്ള നടപടികൾ സ്വീകരിച്ചു. പിന്നാക്ക ലിങ്കേജുകൾ, ഭക്ഷ്യ സംസ്കരണ ഉപകരണങ്ങൾ, പ്രോസസ്സിംഗുമായി ബന്ധപ്പെട്ട R&D, കോൾഡ് ചെയിൻ സ്റ്റോറേജ് സൊല്യൂഷനുകൾ, സ്റ്റാർട്ടപ്പുകൾ, ലോജിസ്റ്റിക്, റീട്ടെയിൽ ശൃംഖലകൾ എന്നിവ ഇതിൽ ഉൾപ്പെടുന്നു.

സമ്പന്നമായ ഇന്ത്യൻ ഭക്ഷ്യ സംസ്കാരം ലോകത്തിന് പരിചയപ്പെടുത്തുക, രാജ്യത്തിന്റെ വൈവിധ്യമാർന്ന ഭക്ഷ്യ സംസ്കരണ മേഖലയിൽ നിക്ഷേപം പ്രോത്സാഹിപ്പിക്കുക എന്നീ ലക്ഷ്യങ്ങളോടെ ഭക്ഷ്യ സംസ്കരണ വ്യവസായ മന്ത്രാലയം 2017 ൽ വേൾഡ് ഫുഡ് ഇന്ത്യയുടെ ആദ്യ പതിപ്പ് ആരംഭിച്ചു. 2023 അന്താരാഷ്ട്ര ചെറുധാന്യ വർഷമായി ആഘോഷിക്കുന്നതിനും ആഗോള ഭക്ഷ്യ സംസ്കരണ വ്യവസായത്തെ ഒരുമിച്ച് കൊണ്ടുവരുന്നതിനും ഭക്ഷ്യ സംസ്കരണ വ്യവസായ മന്ത്രാലയം 2023 ൽ രണ്ടാം പതിപ്പ് വേൾഡ് ഫുഡ് ഇന്ത്യ സംഘടിപ്പിച്ചു.